లక్షలు ఖర్చు పెడుతూ బిగ్‌బాస్‌ అనే గేమ్‌ గెలిచెయ్యాలని ఒకరిపై మరొకరు డిజిటల్‌ మీడియాని అడ్డం పెట్టుకుని బురదని చల్లటానికి బాగానే కుస్తీ పడుతున్నారని బయట ఫేస్‌బుక్‌లలో, ఇన్‌స్టాగ్రామ్‌లలో తెల్సిపోతుంది.
అందులో తెలివిగా వ్యవహరిస్తూ ముందుండే బిందు మాధవి టీం మెల్లమెల్లగా ఒక్కొక్క కంటెస్టెంట్‌లపై డిజిటల్‌ మీడియాలో ఇష్టం వచ్చినట్లు బూతులు తిడుతూ వాడకూడని పదాలు వాడుతూ సైబర్‌ క్రైం కేసుల్లో చిక్కుకున్నారని తెల్సింది.
ఆ సైబర్‌ క్రైం డిపార్ట్‌మెంట్‌ ఈ బిగ్‌బాస్‌ కంటెస్టెంట్‌లు తమ ఆటని తాము పొగుడుకోవాలి గానీ ఇంకొకరి భార్యల్ని, పిల్లల్ని, కుటుంబాల్ని బయట నుంచి దూషించడం తగదని పిలిచి గట్టిగానే కౌన్సిలింగ్‌ ఇచ్చారని తెలిసింది.
అఖిల్‌, నటరాజ్, అషూరెడ్డి, మహేష్‌లకి ఈ తెలివితేటలు లేకపోవటంతో బిందుమాధవి డిజిటల్‌ టీం వీళ్లని నెగిటివిటీతో టార్గెట్‌ చేసిందని, తమ టీంతోనే తిట్లు, శాపనార్థాలు కామెంట్లుగా పెట్టిస్తున్నారని తెలుస్తుంది.
నటరాజ్ ఆటని అతనిలోని వేడిని చూస్తుంటే, అతని ఫిల్మీ కటౌట్‌ బిగ్ స్క్రీన్‌కి సరిపోతుందని, అతనికి వెబ్ సిరీస్‌లలో అవకాశాలు వచ్చాయని తెల్సింది. ఈ నటరాజ్‌లో గతంలో అచ్చు ఇలానే ముక్కు సూటిగా ఆడిన సన్నీ లక్షణాలు ఇతనిలో కన్పడుతున్నాయి. నటరాజ్ గతంలో కొంతమందికి తనకు తోచినంతమందికి తోచినట్లు దానాలు చేశాడని, ఒక జూనియర్‌ సోనూసూద్‌కున్నట్టు జాలి గుణం బానే ఉందని వార్తలు బానే వినబడ్డాయి. అటు ‘జీ’ ఛానల్‌ వాళ్ల ఈవెంట్స్‌, ఇటు ‘మా’ ఛానల్‌ వాళ్ల ఈ వెంట్స్‌ బిజీ బిజీగా చేస్తూ తిరిగే ఈ నటరాజ్ ఈ బిగ్‌బాస్‌ రొంపిలో ఎందుకు దిగాడో అర్థం కాదు. ఇది అతని స్థాయి కాని ఉద్యోగం. ఏది ఏమైనా వీళ్ల కొట్లాడటాలు చూసే ఈ పిచ్చి జనాలు అవి నిజమైన గొడవలు అని, వాళ్ల ఆవేశాలు, ఆరాటాలు, బాధలు, ఏడ్పులు అన్నీ నిజాలే అని నమ్ముతూ సీరియస్‌గా కామెంట్‌లు చేస్తూ నమ్మేస్తుంటారు. ఏది ఏమైన అది ఒక ఆట మాత్రమే, వాళ్లెవరు విలన్‌లు కారు.. హీరోలు కాదు.. అంతా బిగ్‌బాస్‌ రాసి ఆడిరచే స్క్రీన్‌ ప్లే. ఇందులో కంటెస్టెంట్‌లే కాదు ప్రేక్షకులు కూడా తెలియక నమ్మేస్తుంటారు.
అఖిల్‌ ఆలోచించి ఆచితూచి వ్యవహరిస్తున్నట్లు ఆడటం అతనికి మైనస్‌. మహేష్‌ ఆట కూడా మోహమాటంగానే ఆడతాడు. కాస్త యాక్టివ్‌గా ఉంటే బెటర్‌.
