ఘనంగా “జయహో రామానుజ” సినిమా ప్రీ రిలీజ్ ఈవెంట్, ఈ నెల 24న వరల్డ్ వైడ్ గ్రాండ్ థియేట్రికల్ రిలీజ్ కు వస్తున్న మూవీ
లయన్ డా. సాయి వెంకట్ నటిస్తూ దర్శకత్వం వహిస్తున్న సినిమా “జయహో రామానుజ”. ఈ చిత్రాన్ని సుదర్శనం ప్రొడక్షన్స్ లో సాయిప్రసన్న, ప్రవళ్లిక నిర్మిస్తున్నారు. అమెరికా నటి జో శర్మ హీరోయిన్ గా నటిస్తుండగా..సుమన్, ప్రవళ్లిక ఇతర కీలక పాత్రల్లో కనిపించనున్నారు. ఈ నెల 24న “జయహో రామానుజ” సినిమా వరల్డ్ వైడ్ గ్రాండ్ థియేట్రికల్ రిలీజ్ కు రాబోతోంది. ఈ రోజు ఈ చిత్ర ప్రీ రిలీజ్ ఈవెంట్ ను హైదరాబాద్ లో ఘనంగా నిర్వహించారు. ఈ కార్యక్రమంలో
నటి, నిర్మాత ప్రవళ్లిక మాట్లాడుతూ – మా “జయహో రామానుజ” సినిమా ఈ నెల 24న రిలీజ్ కు వస్తోంది. సినిమాను రూపొందించడం ఒకెత్తు అయితే అది రిలీజ్ చేయడం మరో ఎత్తు. మా సినిమాకు అగ్రిసివ్ ప్రమోషన్స్ చేస్తున్నాం. ఈ నెలలో రిలీజైన పెద్ద సినిమాలతో పోటీగా ప్రమోషన్స్ చేస్తున్నాం. స్టాచ్యూ ఆఫ్ లిబర్టీ దగ్గర కూడా ప్రచారం నిర్వహించాం. సమసమాజం కోసం రామానుజాచార్యుల వారు చేసిన ప్రయత్నం ఏంటి, ఈ క్రమంలో వారు ఎలాంటి ఇబ్బందులు ఎదుర్కొన్నారు వంటి అంశాలను మా సినిమాలో చూపిస్తున్నాం. ఈ సినిమాలో నేను కృష్ణుడు, నారదుడు, రఘునాథస్వామి వంటి మూడు రోల్స్ లోనూ నటించే అవకాశం రావడం అదృష్టంగా భావిస్తున్నా. రామానుజాచార్యుల వారి జీవితం గురించి మా సినిమా ద్వారా ఇప్పటి తరానికి తెలుస్తుందని నమ్ముతున్నాం అన్నారు.
ప్రొడ్యూసర్ నాగబాల సురేష్ మాట్లాడుతూ – పౌరాణిక నేపథ్య చిత్రాలు రూపొందించడం చాలా కష్టం. రామానుజాచార్యుల వారి జీవితాన్ని తెరపైకి తీసుకొచ్చే ఒక పెద్ద ప్రయత్నం చేస్తున్నారు లయన్ సాయి వెంకట్. వెంకటేశ్వరస్వామి దయ ఉంటే తప్ప ఆయన ఈ సినిమా చేసేవారు కాదు. ఆయనకు ఈ సినిమా పెద్ద సక్సెస్ ఇవ్వాలని కోరుకుంటున్నా. అన్నారు.
ఏపీ ఫిలింఛాంబర్ అధ్యక్షులు ఎం. శ్రీనివాస్ మాట్లాడుతూ – “జయహో రామానుజ” సినిమాలో చరిత్రనే కాదు గొప్ప సందేశాన్ని కూడా చూపించబోతున్నారు లయన్ సాయి వెంకట్ గారు. ఈ సినిమాను ప్రేక్షకులంతా చూసి ఆదరించాలి. రామానుజాచార్యుల వారి గురించి తెలుసుకోవాలని కోరుతున్నా అన్నారు.
డైరెక్టర్ వీఎన్ ఆదిత్య మాట్లాడుతూ – ఇటీవలే హనుమాన్ అంశ్ అని బాలీవుడ్ లో ఒక గొప్ప మూవీ వచ్చింది. ఇప్పుడు తెలుగులో సాయి వెంకట్ గారు జయహో రామానుజా చిత్రంతో అలాంటి గొప్ప ప్రయత్నం చేయడం అభినందనీయం. ఈ సినిమా రిలీజ్ అయ్యాక జరిగే విజయోత్సవాలను మనం చూస్తాం. ఇలాంటి మంచి సినిమాలు ఇప్పుడున్న సమాజానికి చాలా అవసరం అన్నారు.
బీసీ కమిషన్ మాజీ ఛైర్మన్ వకుళాభరణం కృష్ణమోహన్ మాట్లాడుతూ – మన మధ్య కుల, మత అడ్డు గోడలు వద్దు అని వెయ్యేళ్ల కిందటే చెప్పిన మహనీయుడు రామానుజాచార్యుల వారు. ఆయన జీవిత కథను లయన్ సాయి వెంకట్ రూపొందించడం గొప్ప ప్రయత్నం. ఈ సినిమాను ప్రతి ఒక్కరూ అభినందించాలి. థియేటర్స్ లో చూసి ఆదరించాలి అన్నారు.
మాజీ కేంద్రమంత్రి వేణుగోపాలాచారి మాట్లాడుతూ – రామానుజాచార్యుల వారి తత్వాన్ని ఈ తరం ప్రేక్షకులకు తెలియజేసే గొప్ప ప్రయత్నం చేసిన లయన్ సాయి వెంకట్ గారికి మనందరి అభినందనలు తెలియజేయాలి. ఆయన రాఘవేంద్ర స్వామి పాత్రలో పరకాయ ప్రవేశం చేశారు. మిగతా అన్ని పాత్రలను గొప్పగా అభినయించారు. లయన్ సాయి వెంకట్ ఈ సినిమాతో ఘన విజయాన్ని అందుకోవాలి. డబ్బు కోసం కాకుండా ఆర్థికంగా ఏమీ ఆశించకుండా ఒక మంచి సినిమా రూపొందించాలనే సంకల్పంతో సాయి వెంకట్ ఈ మూవీ నిర్మించారు. జయహో రామానుజా సినిమా ద్వారా ఆయన ఆశించిన లక్ష్యాన్ని చేరుకోవాలని మనస్ఫూర్తిగా కోరుకుంటున్నా అన్నారు.
ప్రొడ్యూసర్, హీరో లయన్ సాయి వెంకట్ మాట్లాడుతూ – చిన్నప్పుడు రామానుజాచార్యుల వారి కథలు చదువుకున్నాను. ఆ తర్వాత కొన్నేళ్లకు పత్రికలకు రామానుజాచార్యుల వారి కథలను రాసి పంపించాను. అప్పుడే ఏదో ఒక రోజు ఆయన జీవిత కథను సినిమాగా రూపొందించాలనే సంకల్పం ఏర్పడింది. కానీ నేనే ఆ సినిమాలో రామానుజాచార్యుల వారిగా నటిస్తానని ఊహించలేదు. కులం లేదు మతం లేదు మనుషులంతా ఒక్కటే అని చాటిన మహనీయుడు ఆయన. ఈ సినిమాను నేను నిర్మించాలనేది రామానుజాచార్యుల వారి అభీష్టం. నేను ఈ పాత్ర వేషధారణలో తిరుమలకు వెళ్లినప్పుడు అక్కడ భక్తులు నాకు నమస్కరించడం నా జీవితంలో మర్చిపోలేని ఘటన. నేను చేయించిన పోస్ట్ ప్రొడక్షన్ నచ్చక..మా అమ్మాయి ప్రవళ్లిక ఈ సినిమా పోస్ట్ ప్రొడక్షన్ ను ఈతరం వారికి, ఇప్పటి క్వాలిటీతో పోటీపడేలా మరోసారి చేయించారు. ప్రేక్షకులంతా మా సినిమాను ఆదరించాలి. రామానుజాచార్యుల వారి గురించి తెలుసుకోవాలి అన్నారు.
ఈ కార్యక్రమంలో నిర్మాతలు వేదాల శ్రీనివాస్, అంకమ్మ చౌదరి, వ్యాపారవేత్త అశ్వాపురం వేణుమాధవ్, పీసీసీ జాయింట్ సెక్రటరీ సత్యనారాయణ మూర్తి, తదితరులు అతిథులుగా పాల్గొన్నారు.
నటీనటులు – లయన్ సాయి వెంకట్, జో శర్మ, సుమన్, ప్రవళ్లిక అశ్వాపురం వేణుమాధవ్, అప్పం పద్మ, తదితరులు
టెక్నికల్ టీమ్
ప్రెజెంట్స్ : సుదర్శనం హేమలత
బ్యానర్ : సుదర్శనం ప్రొడక్షన్స్
స్టోరీ, స్క్రీన్ ప్లే, డైరెక్టన్ : లయన్ సాయి వెంకట్
నిర్మాతలు : సుదర్శనం సాయి ప్రసన్న, సుదర్శనం ప్రవళ్లిక
పి.ఆర్.ఓ : చందు రమేష్
