ఫిలిం ఫేర్ అవార్డు వచ్చిన సందర్భంగా ప్రముఖ కొరియోగ్రాఫర్ శేఖర్ మాస్టర్ ను బొమ్మ హిట్ చిత్రం యూనిట్ ఘనంగా సత్కరించింది. చిత్ర బృందం కేక్ కట్ చేసి తమ అభినందనలు తెలియజేశారు. ఈ చిత్రానికి శేఖర్ మాస్టర్ కొరియోగ్రఫి అందిస్తున్నారు. ఆయన ఇటీవల జరిగిన 6వ ఫిలిం ఫేర్ అవార్డుల వేడుకలో బెస్ట్ కొరియోగ్రాఫర్ గా అవార్డును అందుకున్నారు. దాంతో చిత్ర బృందం శేఖర్ మాస్టర్ ను షూటింగ్ లొకేషన్లోనే అభినందనలతో ముంచెత్తింది. ఈ కార్యక్రమంలో చిత్ర హీరో అభినవ్,హీరోయిన్ వ్రజన పాండ్య, హైపర్ ఆది, టేస్టీ తేజ, లిఖిత, దర్శకుడు రాజేష్ గడ్డం, నిర్మాత గుర్రాల శ్రీధర్, సినిమాటోగ్రాఫర్ మల్లికార్జున్ ఫిలిం ఫేర్ అవార్డును అందుకున్న ప్రముఖ కొరియోగ్రాఫర్ శేఖర్ మాస్టర్ ను సత్కరించారు.
