ఎవడు ఎవడో నా గురించి అవాకులు చెవాకులు పేలుతున్నారని, ఎవరు ఎన్ని మాట్లాడినా నా ప్రాణం పోయేంతవరకు తెలుగుదేశం పార్టీ మారబోనని, కార్యకర్తలకు అండగా ఉంటూ మన అధినేత నారా చంద్రబాబునాయుడు గారిని ముఖ్యమంత్రి చేసేంతవరకు పోరాడతానని తాడిపత్రి మునిసిపల్ చైర్మన్, మాజీ ఎమ్మెల్యే జేసీ ప్రభాకర్ రెడ్డి స్పష్టం చేశారు. కళ్యాణదుర్గంలో ఓ కార్యక్రమానికి హాజరైన ఆయన స్థానిక నియోజకవర్గ టీడీపీ ఇన్చార్జి మాదినేని ఉమామహేశ్వరనాయుడు స్వగృహంలో కలవడానికి వచ్చారు. ఈ సందర్భంగా అధిక సంఖ్యలో హాజరైన కార్యకర్తలను ఉద్దేశించి మాట్లాడుతూ ఎవరో తన గురించి లేని పోని మాటలు మాట్లాడుతున్నారని ప్రాణం పోయేంత వరకు తెలుగుదేశం పార్టీలో కొనసాగుతానని కార్యకర్తల సంక్షేమం కోసం పాటు పడతా మన్నారు. తెలుగుదేశం జెండా తో పల్లె పల్లె తిరిగి చంద్రబాబు నాయుడును ముఖ్యమంత్రిని చేసుకుంటామని స్పష్టం చేశారు.
