సుమన్ హీరోగా శ్రీ వెంకట లక్ష్మీ నరసింహ ప్రొడక్షన్స్లో ‘మహరాజు’
శ్రీ వెంకట లక్ష్మీ నరసింహ ప్రొడక్షన్స్ ప్రొడక్షన్ నెంబర్ 3 చిత్రం.. విజయదశమిని పురస్కరించుకుని.. హైదరాబాద్ సినీ సర్కార్ ఆఫీస్లో స్ర్కిప్ట్ పూజా కార్యక్రమాలను జరుపుకుంది. ఈ కార్యక్రమానికి సీనియర్ హీరో సుమన్ ముఖ్య అతిథిగా హాజరై.. పూజా కార్యక్రమాలను నిర్వహించారు. ఈ సినిమాకు పనిచేసే 24 శాఖలకు సంబంధించిన వారంతా ఈ కార్యక్రమానికి హాజరయ్యారు. సుమన్ హీరోగా తెరకెక్కనున్న ఈ చిత్రానికి ‘మహరాజు’ అనే టైటిల్ను ఖరారు చేశారు. ఇంతకు ముందు ఈ బ్యానర్లో ‘అల్లుడు బంగారం’, ‘అంతేనా.. ఇంకేం కావాలి’ వంటి చిత్రాల తర్వాత తెరకెక్కనున్న ఈ చిత్రాన్ని తెలుగు, తమిళ, కన్నడ, మలయాళ భాషల్లో గ్రాండ్గా నిర్మించబోతున్నట్లుగా దర్శకనిర్మాత వెంకట నరసింహ రాజ్ తెలిపారు.
ఈ సందర్భంగా దర్శకనిర్మాత వెంకట నరసింహ రాజ్ మాట్లాడుతూ.. ‘‘మా బ్యానర్లో రాబోతున్న మూడవ చిత్రం ‘మహరాజు’. సుమన్ గారు హీరో. విజయదశమిని పురస్కరించుకుని స్క్రిప్ట్ పూజా కార్యక్రమాలు నిర్వహించాం. వైవిధ్యమైన కథతో ఈ సినిమాని తెరకెక్కించబోతున్నాం. వచ్చే నెలలో రాజమండ్రి పరిసర ప్రాంతాలలో రెగ్యులర్ షూటింగ్ మొదలవుతుంది. ప్రముఖ నటీనటులతో పాటు కొత్తవారు కూడా ఈ సినిమాలో నటించబోతున్నారు. పూర్తి వివరాలను త్వరలోనే తెలియజేస్తాం..’’ అని తెలిపారు.
సుమన్ హీరోగా తెరకెక్కనున్న ఈ చిత్రానికి
కెమెరా: పిఆర్ చందర్ రావు
సంగీతం: శ్రీ వెంకట్
ఆర్ట్ డైరెక్టర్: గిరి
కాస్ట్యూమ్ : తిరుపతి
పాటలు: కాసర్ల శ్యామ్
ఎడిటింగ్: నందమూరి హరి
పీఆర్వో: బి. వీరబాబు
సహ నిర్మాత: సి ఈశ్వర్ రెడ్డి
కథ, మాటలు, స్క్రీన్ప్లే, దర్శకత్వం, నిర్మాత: వెంకట నరసింహ రాజ్
