ఏపీ రాజధాని మార్పుపై పీఎంవో ఆరా.?

26

రాజధాని మార్పు, సీఆర్‌డీఏ చట్టం రద్దు బిల్లుల వ్యవహారంపై ప్రధాన మంత్రి కార్యాలయం ఆరా తీసింది. గవర్నర్‌ వద్ద పెండింగ్‌లో ఉన్న ఈ బిల్లులకు సంబంధించి పీఎంవో వివరాలు కోరింది. హిందూ మహాసభ జాతీయ ప్రధాన  కార్యదర్శి రాసిన లేఖపై స్పందించిన  పీఎంవో గవర్నర్‌ కార్యాలయాన్ని వివరాలు అడిగినట్టు తెలిసింది. ఈ రెండు బిల్లులకు సంబంధించి రాష్ట్ర ప్రభుత్వం గవర్నర్‌కు పంపిన  ప్రతిపాదనలను ప్రధాని కార్యాలయానికి హిందూ మహాసభ జాతీయ ప్రధాన కార్యదర్శి జి.వి.ఆర్‌ శాస్త్రి పంపారు. దీనిపైనే పీఎంవో గవర్నర్‌ కార్యాలయాన్ని వివరాలు అడిగింది.

దీనిపై జీవీఆర్‌ శాస్త్రి మీడియాతో మాట్లాడుతూ.. ‘‘రాజధాని ఏర్పాటు కేంద్రం పరిధిలోని అంశం, హైకోర్టు నోటిఫికేషన్‌ రాష్ట్రపతి ఆమోదం ద్వారా జరిగింది. రాజధాని మార్చడం వల్ల కలిగే నష్టాలను వివరిస్తూ ప్రధానమంత్రి, రాష్ట్రపతి, హోం మంత్రికి  లేఖలు రాశాం. లేఖపై స్పందించిన ప్రధాని కార్యాలయం మరి కొన్ని వివరాలు అడిగింది. ఆమేరకు వివరాలు కూడా సమర్పించాం’’ అని శాస్త్రి వెల్లడించారు. చట్ట ప్రకారం రాజధాని మార్చడం ఎలా సాధ్యం కాదో కూడా పీఎంవో కార్యాలయానికి వివరించామన్నారు. దీనిపై అటార్నీ జనరల్‌ న్యాయ సలహా కూడా తీసుకోవాలని కేంద్రాన్ని కోరినట్టు చెప్పారు. అమరావతి జేఏసీలోనూ హిందూ మహాసభ ప్రధాన కార్యదర్శి శాస్త్రి కొనసాగుతున్న విషయం తెలిసిందే.

LEAVE A REPLY

Please enter your comment!
Please enter your name here